Janubiy Koreyaning nufuzli oliy ta’lim muassasalaridan biri — Hanyang Universitetining ERICA kampusida O‘zbekiston texnologik metallar kombinati hamda University of Business and Science (O'zbekiston) delegatsiyasi vakillari ishtirokida uchrashuv bo‘lib o‘tdi.
Uchrashuvda:
➡️ilmiy ishlanmalarni ishlab chiqarishga tatbiq etish amaliyoti;
➡️grantlar va sanoat buyurtmalari asosida shakllanadigan tadqiqot portfeli;
➡️ talabalarni real sanoat muammolarini yechishga tizimli jalb etish yondashuvlari muhokama qilindi.
Mazkur tajribani O‘zbekistonda, xususan, sanoat korxonalari bilan hamkorlikda tashkil etilayotgan ilg‘or muhandislik maktablari faoliyatiga moslashtirish istiqbollari yuzasidan fikr almashildi.
Shuningdek, delegatsiya kampusdagi zamonaviy laboratoriyalar hamda ta’lim–tadqiqot–ishlab chiqarish integratsiyasiga asoslangan loyiha ofislari, texnologiya transfer markazlari va startap inkubatsiya tizimi faoliyati bilan yaqindan tanishdi.
Ma'lumot uchun, Hanyang Universiteti xalqaro reytinglarda dunyo bo‘yicha TOP o‘rinlarda turadi. Universitet amaliyotga yo‘naltirilgan, sanoat bilan yaqin integratsiyalashgan ta’lim yondashuvi — industry–academia cooperation tamoyili asosida faoliyat yuritishi bilan ajralib turadi.
