Toshkent xalqaro investitsiya forumi (TIIF) doirasida 16-iyun kuni O‘zbekiston–AQSH biznes-forumi tashkil etilmoqda.
Unda O‘zbekiston texnologik metallar kombinati (TMK) ham AQSHning yetakchi kompaniyalari, investitsiya fondlari, moliyaviy institutlari bilan yangi hamkorlik imkoniyatlarini muhokama qiladi.
TMK quyidagi yo‘nalishlarda AQSh kompaniyalari bilan hamkorlikka tayyor:
- Kritik minerallarni geologik qidirish va o‘zlashtirish;
- Volfram, molibden, reniy, grafit, noyob yer elementlari va boshqa kritik minerallarni qazib olish hamda chuqur qayta ishlash;
- Yuqori qo‘shilgan qiymatga ega mahsulotlar ishlab chiqarish va sanoat kooperatsiyasi;
- Sun’iy intellekt va raqamlashtirish;
- ESG, yashil transformatsiya va dekarbonizatsiya loyihalari
- Qo‘shma investitsiya loyihalari va moliyalashtirish mexanizmlari.
TMK O‘zbekistonning kritik minerallar sohasidagi integratsiyalashgan operatori sifatida "Mine–Metal–Market" tamoyili asosida butun qiymat zanjiri bo‘ylab xalqaro hamkorlikni kengaytirishni davom ettirmoqda.
O‘zbekiston–AQSH biznes-forumi doirasida TMK barcha hamkorlar bilan uchrashuvlar o‘tkazishga tayyor. 16-iyun kuni soat 10:00 da CAEx majmuasining “Tashkent Hall” zalida sizni kutib qolamiz.
