O‘zbekiston texnologik metallar kombinati va University of Business and Science (O‘zbekiston) vakillaridan iborat delegatsiya Janubiy Koreyaning Daejeon shahrida joylashgan Koreya ilg‘or fan va texnologiyalar instituti (KAIST)da bo‘ldi.
Tashrif doirasida delegatsiya mashhur professor, KAISTning Materialshunoslik va muhandislik kafedrasi mudiri, Byungha Shin bilan uchrashuv o‘tkazdi.
Unda tomonlar qo‘shma grant loyihalarida ishtirok etish, kritik metallar sohasida ilmiy tadqiqotlarni o’tkazish, laboratoriya va laboratoriya bazasidan o‘zaro foydalanish imkoniyatlarini ko‘rib chiqishga kelishib oldilar.
Ilmiy hamkorlik doirasida quyidagi ustuvor yo‘nalishlar belgilandi:
🔹 Ilg‘or funksional materiallar va qotishmalar;
🔹 Yuqori haroratga chidamli materiallar va ularning sanoatda qo‘llanilishi;
🔹 Raqamli materialshunoslik;
🔹 Sof selen, tellur asosida yarim o’tkazgich materiallar yaratish;
🔹 Quyosh batareylar uchun kritik metallar asosida materiallar yaratish;
🔹 Texnologik jarayonlarni maqbullashtirish hamda tajriba-ishlab chiqarish bosqichiga joriy etish.
Ma’lumot uchun, KAIST Janubiy Koreyada muhandislik va aniq fanlar yo‘nalishidagi yetakchi oliy ta’lim dargohi bo'lib, mamlakatning kuchli uchtalik universitetlaridan biri. Xalqaro miqyosda esa QS World University Rankings reytingida 53-o‘rinda bo‘lib, innovatsion oliy ta’lim muassasalari orasida yetakchi o‘rinlardan birini egallab kelmoqda.
_1772102566.jpg)
_1772102567.jpg)
_1772102556.jpg)
