Bugun TMK bosh ofisida Qozog‘istonning yetakchi sanoat korxonalaridan biri — Ulba metallurgiya zavodi vakillari bilan uchrashuv bo‘lib o‘tdi.
Muzokaralar davomida ikki tomonlama sanoat va texnologik hamkorlikni rivojlantirish masalalari, shuningdek, O‘zbekiston va Qozog‘iston hududlarida qo‘shma loyihalarni amalga oshirish imkoniyatlari atroflicha muhokama qilindi.
Uchrashuv doirasida kritik minerallar bo‘yicha xomashyoni chuqur qayta ishlash, yuqori qo‘shilgan qiymatga ega mahsulotlar ishlab chiqarish hamda mintaqaviy sanoat zanjirlarini integratsiyalash masalalariga alohida e’tibor qaratildi.
Ma’lumot uchun, Qozog‘istonning Ulba metallurgiya zavodi uran, berilliy, tantal va niobiy, shuningdek, ushbu metallar asosida tayyor mahsulotlar ishlab chiqarishga ixtisoslashgan sanoat markazi hisoblanadi.
