TMK bosh ofisida Jahon banki guruhi va Xalqaro moliya korporatsiyasi (IFC) qo‘shma missiyasi bilan muhim uchrashuv bo‘lib o‘tdi.
Muzokaralar davomida tomonlar global sanoat uchun strategik ahamiyatga ega bo‘lgan kritik metallarni barqaror yetkazib berish zanjirlarini rivojlantirish masalalarini muhokama qildilar. Xususan, ushbu yo‘nalishda investitsion hamkorlikni kengaytirish hamda TMK tomonidan amalga oshirilayotgan loyihalarni xalqaro moliya institutlari ishtirokida moliyalashtirish istiqbollari ko‘rib chiqildi.
Jahon banki guruhi va IFC vakillari loyihalarni amalga oshirishda ESG standartlariga qat’iy rioya etish muhimligini alohida ta’kidladilar. Bu esa TMKning barqaror rivojlanish tamoyillariga sodiqligini yana bir bor tasdiqlaydi.
Uchrashuv yakunida tomonlar o‘zaro manfaatli hamkorlikni chuqurlashtirish va muzokaralarni davom ettirishga kelishib oldilar.
