TMK bosh ofisida “KJ Advanced Materials” va “KJ Tungsten” kompaniyalari bilan xalqaro sanoat hamkorligi bo‘yicha muhim uchrashuv bo‘lib o‘tdi.
Unda “KJ Advanced Materials” prezidenti Jack Zhou hamda “KJ Tungsten” direktori KJ Gao ishtirok etishdi.
Muzokaralar davomida TMK tomonidan volfram metall kukunini yetkazib berish, sifat va texnik talablarga muvofiqlik, shuningdek, uzoq muddatli sanoat hamkorligi istiqbollari muhokama qilindi.
Uchrashuv TMKning global sanoat hamkorlari bilan texnologik va tijorat aloqalarini chuqurlashtirish, xalqaro bozorga yo‘naltirilgan barqaror yetkazib berish zanjirlarini rivojlantirishga qaratildi.
Ma’lumot uchun: KJ Advanced Materials Co., Ltd. volfram qotishmalaridan mahsulotlar ishlab chiqaruvchi yetakchi kompaniyalardan biri bo‘lib, ushbu yo‘nalishda 20 yildan ortiq tajribaga ega. Kompaniya mahsulotlari mashinasozlik, yadro energetikasi, tibbiyot hamda boshqa yuqori texnologiyali tarmoqlarda keng qo‘llaniladi.
