Bugun Samarqand shahrida Markaziy Osiyoning ekologiya, yashil iqtisodiyot va barqaror rivojlanish yo‘nalishidagi eng yirik xalqaro ko'rgazmalaridan biri — Eco Expo Central Asia 2026 o‘z ishini boshladi.
O‘zbekiston texnologik metallar kombinati ko‘rgazmada texnogen chiqindilarni qayta ishlash, yopiq suv aylanish tizimlari, green hydrogen, past uglerodli molibden va volfram ishlab chiqarish hamda sun’iy intellekt asosidagi ekologik monitoring yo‘nalishlaridagi loyihalari bilan ishtirok etmoqda.
Ko‘rgazma doirasida TMK stendida xalqaro tashkilotlar, investorlar va ekologiya sohasi ekspertlari bilan muzokaralar faol davom etmoqda.
Xususan, O‘zbekiston texnologik metallar kombinati hamda Ekologik Milliy Monitoring Markazi o‘rtasida ekologik monitoring tizimlarini rivojlantirish, ilmiy-tadqiqot faoliyatini qo‘llab-quvvatlash hamda zamonaviy ekologik texnologiyalarni sanoat jarayonlariga keng joriy etish bo‘yicha hamkorlik memorandumi imzolandi.
TMK sizni Eco Expo Central Asia 2026 doirasida yashil kelajak loyihalari uchun yangi hamkorlik imkoniyatlari bilan kutadi.
