TMKda kiberxavfsizlik madaniyatini mustahkamlash hamda korporativ axborot tizimlarining xavfsiz va uzluksiz ishlashini ta’minlashga qaratilgan seminarlar tashkil etildi.
Unda Ichki ishlar vazirligining mas'ul vakillari tomonidan zamonaviy kiberxavfsizlik tahdidlari va ularning oldini olish choralariga oid taqdimotlar o‘tkazildi.
Ishtirokchilar axborot resurslaridan xavfsiz foydalanish, shaxsiy ma’lumotlarni himoya qilish hamda fishing hujumlaridan himoyalanish bo‘yicha amaliy ko'nikmalarga ega bo'ldi.
Shuningdek, TMK tasarrufidagi Nodir metallar va qattiq qotishmalar ishlab chiqarish zavodi xodimlari uchun ham shunday seminar tashkil etildi. Mazkur tashabbuslar TMK tizimida raqamli xavfsizlikni mustahkamlash va zamonaviy kiberxavfsizlik madaniyatini rivojlantirishga xizmat qiladi.
