Xorijiy investitsiyalarni jalb etish agentligida O‘zTMK Boshqaruv raisi maslahatchisi Han Ilhan ishtirokida uchrashuv bo‘lib o‘tdi.
Unda O‘zTMK kritik metallarni qayta ishlashga ixtisoslashgan sanoat xabi yaratish bo‘yicha konsepsiya taqdim etdi. Ushbu konsepsiya geologik-qidiruv bosqichidan tortib, yakuniy mahsulot ishlab chiqarishgacha bo‘lgan to‘liq qo‘shilgan qiymat zanjirini o‘z ichiga oladi.
Loyiha doirasida ilmiy-texnik salohiyatni mustahkamlash maqsadida 2025–2028 yillarda R&D markazi hamda zamonaviy nanolaboratoriya tashkil etilishi rejalashtirilgan.
Uchrashuv yakunida Xorijiy investitsiyalarni jalb etish agentligi O‘zTMKni iyun oyida bo‘lib o‘tadigan IV Toshkent xalqaro investitsiya forumida ishtirok etishga taklif qildi.
