TMK bosh ofisida TMK boshqaruv raisi o’rinbosari, dunyoning eng yetakchi texnologik universitetlaridan biri – Massachusetts Institute of Technology (MIT) hamda mamlakatimizdagi nufuzli oliy ta’lim muassasalaridan biri – University of Business and Science rahbariyati bilan uchrashuv tashkil etildi.
Uchrashuvda materialshunoslik va metallurgiya sohalarida sun’iy intellekt texnologiyalarini rivojlantirishga qaratilgan “Powered by MIT” muhandislik maktabini tashkil etish masalalari muhokama qilindi.
Tomonlar ushbu ta’lim loyihasi amalga oshirilishi mintaqaning ilmiy-ta’limiy ekotizimini rivojlantirishda muhim ahamiyat kasb etishini, shuningdek Markaziy Osiyoda jahon darajasidagi muhandislarni tayyorlash uchun zamonaviy platforma yaratishga xizmat qilishini alohida ta’kidladilar.
Muzokaralar davomida akademik hamkorlik istiqbollari, jumladan qo‘shma ta’lim dasturlarini ishlab chiqish, zamonaviy o‘quv modullarini shakllantirish, ilmiy tadqiqotlarni rivojlantirish hamda yangi avlod muhandis kadrlarini tayyorlash masalalari ham muhokama qilindi.
Mazkur tashabbus TMKning innovatsiyalar, ilm-fan va zamonaviy texnologiyalar asosida rivojlanishga qaratilgan strategiyasining muhim yo‘nalishlaridan biri hisoblanadi.
_1773297739.jpg)
_1773297741.jpg)
_1773297740.jpg)
_1773297742.jpg)
