Bugun Toshkent shahrida o‘tkazilayotgan O‘zbekiston–Turkiya biznes forumi doirasida O‘zbekiston texnologik metallar kombinati (TMK) tomonidan qator muhim xalqaro hamkorlik memorandumlari imzolandi.
Xususan, TMK Turkiyaning quyidagi yetakchi kompaniyalari bilan hamkorlikni yo‘lga qo‘ydi:
- KAPEKS Kimya Sanayi A.Ş. bilan kimyo sanoati, reagentlar va sanoat kimyoviy mahsulotlari ishlab chiqarish hamda texnologik jarayonlar uchun kimyoviy ta’minot va lokalizatsiya yo'nalishida;
- Çiftay Construction and Contracting Trade Inc. bilan tog‘-kon loyihalari, qurilish va infratuzilma rivoji hamda konlarni o‘zlashtirish va sanoat obyektlarini barpo etish yo'nalishida;
- ERSEL Ağır Makine San. ve Tic. A.Ş. bilan og‘ir sanoat uskunalari va texnologik jihozlar yetkazib berish hamda maydalash, saralash va qayta ishlash texnologiyalari yo'nalishida;
- Advantage Services Ahmed Asad bilan kiberxavfsizlik va raqamli infratuzilmani himoyalash hamda IT yechimlar, raqamlashtirish va boshqaruv tizimlarini joriy etish yo'nalishida;
- ENV & GEMAR (Çevre Yönetimi ve Teknolojileri / Çevre Ölçüm Analiz) bilan TMK tasarrufidagi R&D parkka rezident sifatida kirish va o‘z ofisini tashkil etish yo'nalishida memorandumlar imzolandi.
Mazkur kelishuvlar ikki tomonlama manfaatli aloqalarni kengaytirish, investitsion loyihalarni birgalikda amalga oshirish, ilg‘or texnologiyalarni joriy etish, kiberxavfsizlik yoʻnalishi hamda sanoat kooperatsiyasini chuqurlashtirishga xizmat qiladi.
