Bugun O‘zbekiston texnologik metallar kombinati (TMK) bosh ofisida sanoat gazlari va vodorod texnologiyalari bo‘yicha yetakchi kompaniya — "Air Products Central Asia Group" bosh direktori Vatslav Xarant boshchiligidagi delegatsiya bilan uchrashuv bo‘lib o‘tdi.
Uchrashuvda tomonlar quyidagi yo‘nalishlarda hamkorlik imkoniyatlarini muhokama qildilar:
✔️ ESG ko‘rsatkichlarini kuchaytirish hamda ishlab chiqarishda dekarbonizatsiya jarayonlarini jadallashtirish;
✔️ TMK ehtiyojlari uchun vodorod yetkazib berish;
✔️ yashil vodorod ishlab chiqarish bo‘yicha qo‘shma loyihalar;
✔️ inert va texnik gazlar ta’minoti.
Mazkur hamkorlik TMKning ESG talablari asosida ishlab chiqarishni modernizatsiya qilish va past uglerodli sanoat yechimlarini joriy etish bo‘yicha ustuvor yo‘nalishlarini rivojlantirishga xizmat qilishi kutilmoqda.
Ma’lumot uchun, "Air Products" vodorod, kriogen texnologiyalar va sanoat gazlari bo‘yicha kompleks injiniring yechimlarini taklif etuvchi xalqaro kompaniya hisoblanadi.
