O‘zbekiston texnologik metallar kombinati (TMK)da korrupsiyaga qarshi kurashish tizimini yanada takomillashtirish maqsadida "Korrupsiyaga qarshi kurashish siyosati: maqsadlari, asosiy yo‘nalishlari, tamoyillari va ularning buzilishi oqibatlari" mavzusida seminar tashkil etildi.
Seminarni CERT Academy xalqaro trening kompaniyasi mutaxassisi olib bordi.
Bugungi kunda kritik minerallar global iqtisodiyot, yuqori texnologiyalar uchun tobora muhim ahamiyat kasb etmoqda. Mazkur sohada faoliyat yuritayotgan kompaniyalar uchun shaffof boshqaruv, halollik tamoyillari va korrupsiyaga qarshi samarali tizimlarning mavjudligi xalqaro investorlar, moliyaviy institutlar hamda texnologik hamkorlar ishonchini ta'minlaydi.
Shu nuqtayi nazardan, seminar davomida korrupsiyaga qarshi kurashishning zamonaviy xalqaro yondashuvlari, korrupsion xavflarni aniqlash va baholash, manfaatlar to‘qnashuvini boshqarish, ichki nazorat mexanizmlari hamda korrupsiyaga oid huquqbuzarliklarning oqibatlari yuzasidan amaliy tavsiyalar berildi.
TMK global kritik minerallar qiymat zanjiridagi ishonchli hamkor!
_1784639376.jpg)
_1784639379.jpg)
_1784639376.jpg)
_1784639380.jpg)
