O‘zbekiston texnologik metallar kombinati xodimlari Innovatsion rivojlantirish agentligi tomonidan tashkil etilgan xalqaro trening dasturida ishtirok etib, uni muvaffaqiyatli yakunlashdi.
Ushbu trening jahon miqyosida tan olingan PMBOK Guide hamda ISO 21502: Project, Programme and Portfolio Management standartlari asosida ishlab chiqildi.
Dastur doirasida:
ilmiy va texnologik loyiha tashabbuslarini shakllantirish;
loyiha byudjetini ishlab chiqish va moliyaviy rejalashtirish;
texnik hamda institutsional risklarni boshqarish;
xalqaro grant arizalari va loyiha hujjatlarini tayyorlash;
xorijiy hamkorlar bilan professional va samarali kommunikatsiya olib borish bo‘yicha nazariy bilimlar bilan bir qatorda amaliy ko‘nikmalarga ham ega bo‘ldilar.
Seminar yakunlariga ko‘ra, qatnashchilar tomonidan jami 35 soatlik Professional Development Units (PDU) to‘plandi. Trening davomida ilmiy-tadqiqot loyihalarini rejalashtirish, boshqarish va amalga oshirishning zamonaviy xalqaro talablari asosida zarur kompetensiyalar shakllantirildi.
Mazkur bilim va ko‘nikmalar TMK ilmiy jamoasining yirik xalqaro ilmiy dasturlarda, ko‘p tomonlama grant loyihalarida hamda global sanoat va ilmiy konsorsiumlarda faol ishtirok etish imkoniyatlarini sezilarli darajada kengaytiradi.
_1771224368.jpg)
_1771224369.jpg)
_1771224370.jpg)
_1771224370.jpg)
_1771224372.jpg)
_1771224371.jpg)
