O‘zbekiston texnologik metallar kombinati (TMK) hamda O‘zbekiston Respublikasi Fanlar akademiyasi o‘rtasida ilm-fan va ishlab chiqarish integratsiyasini kuchaytirish va ilg‘or ilmiy ishlanmalarni amaliyotga joriy etish masalalariga bag‘ishlangan muhim uchrashuv bo‘lib o‘tdi.
Tashrif doirasida Fanlar akademiyasi delegatsiyasi TMKning Chirchiq shahridagi sanoat obyektlarida bo‘lib, ishlab chiqarish jarayonlari hamda joriy etilayotgan ilg‘or texnologik yechimlar bilan yaqindan tanishdi.
Uchrashuvda tomonlar o‘rtasidagi hamkorlikni sifat jihatidan yangi bosqichga olib chiqish, xususan, Texnologiyalar transferi ofisini tashkil etish bo‘yicha kelishuvga erishildi:
➡️Yangi ofis ilmiy ishlanmalarni “ilmiy g‘oya → texnologiya → prototip → pilot sinov → ishlab chiqarishga joriy etish → tijoratlashtirish” zanjiri asosida rivojlantirish va sanoatga olib chiqish jarayonlarini muvofiqlashtiradi;
➡️TMK hududida yarimo‘tkazgichlar, 5N–7N yuqori tozalikdagi materiallar, batareya materiallari, sun’iy intellekt va Digital Twin kabi istiqbolli yo‘nalishlarda maxsus laboratoriyalar tashkil etish rejalashtirilgan;
➡️ Sanoatdagi amaliy muammolarni ilmiy-tadqiqot vazifalariga aylantirish, ilmiy konsorsiumlar shakllantirish uchun zamonaviy raqamli muhit yaratiladi;
Mazkur hamkorlik O‘zbekistonda kritik minerallar sohasida ilmiy ishlanmalardan sanoat texnologiyalarigacha bo‘lgan uzluksiz innovatsion zanjirni shakllantirish, mahalliy ilmiy salohiyatni real ishlab chiqarish ehtiyojlari bilan bog‘lash hamda yuqori qo‘shilgan qiymatli texnologik mahsulotlarni yaratishga xizmat qiladi.
Ingliz va rus tillariga tarjima qilib ber
