Ozarbayjonning Boku shahrida bo‘lib o‘tgan “Global Future Forum 2026” xalqaro forumi global iqtisodiyot, barqaror rivojlanish, texnologiyalar, inson kapitali va kelajak sanoati masalalariga bag‘ishlandi.
Forumning "Ijtimoiy tadbirkorlik orqali iqtisodiy inklyuziya” mavzusidagi sessiyasida O‘zbekiston texnologik metallar kombinati (TMK) vakili spiker sifatida ishtirok etib, sanoat rivojlanishining yangi modeli bo'lgan inklyuziv industrial ekotizim konsepsiyasi bo‘yicha TMK yondashuvini taqdim etdi.
Taqdimot davomida:
➡️ yoshlar va ayollarni sanoat ekotizimiga keng jalb etish,
➡️ mahalliy kichik va o‘rta biznesni ta’minot zanjirlariga integratsiya qilish,
➡️ qayta ishlash va sirkulyar iqtisodiyot loyihalarini rivojlantirish,
➡️ kasbiy tayyorlov va zamonaviy ko‘nikmalarni shakllantirish kabi ustuvor yo‘nalishlar ilgari surildi.
Shuningdek, TMK tomonidan amalga oshirilayotgan “Ijtimoiy yetkazib beruvchilarni rivojlantirishi dastur”, “Ko‘nikmadan tadbirkorlikka dasturi”, “Sirkulyar metallar va qayta ishlash laboratoriyasi”, “Ayollarning sanoat tadbirkorligidagi ishtiroki” tashabbusi kabi amaliy loyihalar ham xalqaro auditoriyaga taqdim etildi.
